ياخوان وش هالصرقعة
اليوم راح نتكلم عن موضوع يمكن ما تصدقون انه مأرقني منذ سنة ..
في نهاية عام 1429هـ ، طاح يدي على كتاب وعادي جدا مثل الكتب الثانية لكن بصراحة الكتاب ما ينسكت عنه وسبحان الله نسيت الموضوع لمدة سنة كاملة لين شفت الكتاب وتصفحته وعرفت اني غلطان اني ما نتفته في حزتها ..
خلونا مع بعض نشوف الكتاب:
الغلاف:
أحسن ما في الغلاف العنوان .. ما نقول شي
بس ركزوا بالله على الكتابة داخل المربع الأحمر .. هاه شفتها ؟ أقراها ثانية بتمعن هنا
أكثر من مليون 
نسخة مباعة في العالم من هذا الكتاب وترجم إلى أكثر من لغة
حطيت لكم الكلمات المميزة علشان ما اتعب معاكم
ايوااااه !! مليون نسخة ؟ عندي احساس انه زارف هالعبارة من كتاب لا تحزن !!
وش الي مليون نسخة !! لا ووين مهب في السعودية بس .. في العااااااااااااالم 
.. وطبعاً العالم مهب كلهم عرب فلذلك يقول لك ( ترجم )
ههههههههههههههههه ازرفنا يا الحبيب !! وش هالكتاب الي يروع وبيع منه هالكمية يا نصااااب ؟
طبعا خلوا هذي على جنب وشف التعريف
للمفكر والشاعر المعروف
بالله فيه احد سمع هالاسم ؟ من جد من جد يمكن مشتهر في حارتهم والا شي 
ولا راح اعلق على الساعة الي رازها رولكس اصلية يا جماعة الخير مهيب جاية من دبي ابد ابد ، ولا الخاتم ولا البشت ;والله اشوى انه ما جاب جاكيت بعد علشان تكمل الحفلة >> اجل بالله عليك احد يصور بالبشت وحاط يده على خده رومانسي الولد 
، يعني يبي يسوي نفسه شاعر المعاناة .. طيب هو اذا له حبيبه وهذا مستحيل لو افترضنا ان له حبيبه وش ممكن يهدي لها ؟
طيب خلونا نشوف شلون انه نصاب
لاحظتوا ؟
خلوا عام 1430 على جنب ممكن اني نصاب واني توي شايف الكتاب
لكن اقرأوا ( الطبعة الأولى)
يعني هذا الكتاب طبع الطبعة الأولى عام 1430هـ .. شلون باع منه مليون نسخة وهذي أول طبعة ؟!
أزرفنا اكثر .. ازرفنا يا عم ههههههههههههههههه 
يعني مثلاً بايع مليون نسخة في الطبعة رقم ( صفر ) مثلا 
والا من قوة الكتاب الناس يشترونه وهو لسه ورق لدرجة ان القويفل ما تفرغ يبيع مذكرات الجامعة
يعني لو هو نصاب المفروض يصير ذكي ويقول الطبعة رقم 2 مثلااااااااااا مع الاعتبار ان الطبعة الاولى مليون مع ان الطبعات الاولى ما تتجاوز 10 الاف لأي كتاب عربي في الغالب.
طيب
خلونا نشوف شيء ثاني ، الكتاب ما قريته ولا ادري وش فيه لكن شفت في آخر الكتاب سيرة ذاتية له خلونا نطقطق عليها شوي
طبعا خلوا الاسطر الاولى والي طلع فيها من الاشراف ومدري وشو وجماعته في كل ديره .. زين ما قال محمد كامل الخجا الدوسري العتيبي العجمي القحطاني 
ركزوا في السطر قبل الاخير ..
لم يكمل دراسته الجامعية لظروف يعرفها الجميع
منتب عاقل ههههههههههههههههههه بالله يا شباب احد يعرف وش ظروف الاخ ؟ ما ادري هل نزلوها في صفحة كاملة بالجريدة ؟ ، ط يب يخوي ما احد حلفك والا سألك معك جامعة والا لا .. كان طنشت الموضوع ولا احد درى ..
بصوا لهالصورة كمان
شوفوا النقطة الي فوق: عرف بأسلوبه المميز الجريء كمفكر وشاعر ومحدث ومدري ايش هههه ما بقى يقول الا وخباز وفوال وبخاري و وو 
طبعا النقطة الثانية انه جاهد منذ نعومة اظفاره 
هههه الرجال يجاهد وهو في الحضانه .. الظاهر حاطينه في الاسلحه الكيماوية ( بامبرز في قلوبنا خخ ) 
وما ادري عاد وش المقصود بـ ( المصمط) وانا ما ودي اشب عليه اكثر واعتقد انه سجن بهالاسم .. إلا إذا كان المقصود المصمك هههههههههه والله يا بانتفه لين يقول بس 
ولا يفوتكم لولا عناية الله عز وجل للبث فيه سنين ههههههههه كفارة يا عم كفاره
طبعا علشانه كاتب معروف ومدري وشو فطلع للناس باسم مستعار تخيلو وشو ؟
الحين الدب المنتفخ ذا ومسمي نفسه ( النسر الصغير ) لا لا لك مستقبل يا عم الحج
طبعا في غلاف الكتاب الاخير لا يترك عادته .. لان حطت اليد بحد ذاتها شيء مو طبيعي مسوي اكشن في الصور كلها ..
ولابس بدله يعنني مشهور دوليا واما حركة الاصبع ما فهمت لها أي معنى
صورة مع التحية لكل واحد يألف كتب .. يا تألف زي الناس والا تحمل ما يجيك
كتبه وأملاه الفقير إلى عفو ربه
النسر الصغير خخ
The contents of this email, including all related responses, files and attachments transmitted with it (collectively referred to as "this Email"), are intended solely for the use of the individual/entity to whom/which they are addressed, and may contain confidential and/or legally privileged information. This Email may not be disclosed or forwarded to anyone else without authorization from the originator of this Email. If you have received this Email in error, please notify the sender immediately and delete all copies from your system. Please note that the views or opinions presented in this Email are those of the author and may not necessarily represent those of Saudi Aramco. The recipient should check this Email and any attachments for the presence of any viruses. Saudi Aramco accepts no liability for any damage caused by any virus/error transmitted by this Email.
ليست هناك تعليقات:
إرسال تعليق